كبسولة الشهادات و الكورسات

كبسولة الشهادات و الكورسات

هل لازم اعمل كورسات وشهادات وMBA؟
ابدأ كورسات وانا في الجامعة ولا لما اخلص؟
اعمل ماجستير ولا دبلومة؟
اعملها فين؟

دي اسئلة موجودة عند كل واحد فينا وهنحاول من خلال البوست نوضح وننجاوب علي التساؤلات.

البوست هينقسم لجزئين. الجزء الاول بيوضح انواع الدراسات المختلفة وطبيعة واهمية كل نوع. والجزء الثاني بيوضح التسلسل المنطقي اللي محتاجين نفكر به قبل ما نختار شهادة معينة.

 

الجزء الاول: انواع الدراسات بتنقسم ل 4 انواع رئيسية وهم.

1. كورسات وورش عمل:
– زي CBI, ٍSupply Chain Fundamentals, Performance Management, Finance for Non Finance Professionals, Proposal Writing, Agile Software Development, Monitoring & Evaluation, Digital Marketing Basics.
– مدتها قصيرة من 12 ل 30 ساعة.
– المحتوي غالبا أقرب للواقع وعملي.
– التكلفة بتكون مش كبيرة.
– ملهاش امتحان أو جهة معتمدة كبيرة.
– فكرة الشهادة مش مهمة.
– احسن وقت بعد التخرج وممكن في اخر سنين الجامعة لحد ما تحس انك مش محتاج تعليم تاني . وممكن نضيف عليهم كورسات Soft Skills.
– الحاجات دي موجودة في Amcham, Jobmaster, Logic, Career Advancers, Core, Beit Al Karma.

2. الشهادات المهنية (Professional or Career Certificates):
– في عشرات الشهادات لكل المجالات ومنها CFA, CMA, CIM, ERP Modules (SAP & Oracle), CCNA, CIA, CPA, CSCP, CPIM, CIPS, PMP, CIPD, Green Belt Lean Six Sigma.
– مدتها من 40 ل 200 ساعة وغالبا أقصر من الماجستير.
– كل شهادة لها امتحان وجهة معتمدة واحدة في العالم (بعضهم مش بيكون له امتحان).
– بتكون مكلفة عشان الامتحان بالدولار أو الاسترليني.
– بتحتاج مذاكرة كتير.
– مش مهم اسم الجهة/السنتر اللي بتعمل فيه الكورس عشان محدش هيفرق معاه الشهادة من x ولا y ولا z.
– بتكون غالبا مفيدة للشغل والمستقبل الوظيفي, والشهادة غالبا معروفة في مصر وبرة مصر.
– أحسن وقت بعد ما يكون عندكم خبرة سنتين في المجال، غير لو المجال بيشترط حصولكم علي الشهادة عشان تعرفوا تشتغلوا.

3. الماجستير :
– ممكن تكون في تخصص معين (مثلا Masters in International Development) أو في إدارة الأعمال (MBA).
– المدة بتختلف علي حسب الجامعة والبلد بس غالبا من سنة لسنتين.
– مهم جدا اسم الجامعة اللي هتعمل فيها ماجستير .
– بصفة عامة الماجستير بيكون اكاديمي اكتر من Career Certificates.
– التكلفة بتتراوح من 5000 جنيه لو في جامعة حكومية لاكثر من مليون جنيه لو MBA من جامعات كبيرة في امريكا واوروبا.
– بيكون استثمار في نفسك علي المدي الطويل بس كتير من المجالات في مصر الماجستير فيها مش هيأدي لنتائج إيجابية في مستواك الوظيفي أو دخلك علي المدي القريب.
– أحسن وقت للماجستير بعد التخرج ب 3 ل 6 سنين وطبعا بتختلف علي حسب المجال.

4. الدبلومات:
– مدتها من 3 ل 9 شهور وبتكون أقصر من الماجستير.
– الشهادة والاعتماد بيكون مربوط بالجامعة او الجهة المنظمة للدبلومة.
– المحتوي اقل من الماجستير ولكن عملي اكتر وغالبا مفيد.
– التكلفة اقل من الشهادات المهنية عشان الامتحان وجهة الاعتماد غالبا في مصر.
– مش دايما بيكون لها صدي لما حد يقدم علي شغل في مصر او برة مصر.
– في مجالات معينة الدبلومة هي اوقع حل عشان مش شرط يكون في شهادة مهنية, زي دبلومات الترجمة والتدريس وال TOT.
– من الجامعات/الجهات اللي بتعمل دبلومات في مجالات مختلفة AUC, Eslesca, RITI, جامعة القاهرة وعين شمس.

 

الجزء الثاني: التسلسل المنطقي لاتخاذ القرار.

محتاجين نسأل نفسنا 4 حاجات:
– انا بعمل الدراسة ليه؟ هل عشان اشتغل في مكان احسن ولا اترقي ولا اهاجر ولا اغير مجالي والخ.
– هل اعرف حد عمل الشهادة / الدراسة دي في آخر 3 أو 5 سنين؟
– هل كان لها تأثير ايجابي عليهم في المهية او الترقية او السفر, الخ؟
– هل اسم الجهة او الجامعة هيفرق ولا اخذ الشهادة دي من اي مكان قريب من البيت وخلاص؟

ملحوظة: العلم حلو بس لازم أكون عارف انا بعمل الشهادة ليه عشان مكونش فاكر انها هتزود فرصي وبعد ما استثمر وقت وفلوس ومجهود يجيلي إحباط عشان مش لاقي فرصة مناسبة.

ملحوظة: الكلام دا ممكن ميكونش مناسب لبعض النخصصات زي الطب.

Chat with us
Chat with us
Questions, tips, issues? We're here to help you
Connecting...
None of our operators are online at the moment. Please leave a message and we will get back to you shortly.
Our operators are busy. Please try again later
:
:
:
Hi. Welcome to Career Advancers website
:
:
This chat session has ended
Was this conversation useful? Vote this chat session.
Good Bad